♥♥ شوارما ♥♥

المقادير:

صدور دجاج و الكمية حسب الرغبة

بصل و ثوم

بهارات (ملح و فلفل أسود و بهارات)

طماطم

خيار

روب

حمص مطحون

طحينية

خل أبيض

بطاطا مقلية

خبز لبناني

طريقة تحضير الشوارما:

نطبخ الدجاج في الماء لين ما تنظى و عقب نفتفته

نحمس الدجاج مرة ثانية مع البصل و الثوم المقطع قطع صغيرة + نضيف بهارات السابقة

و عقب نسكر النار عنها و نحط الروب و الطحينية و الحمص و الخل الأبيض و الطماطم و الخيار المقطع صغير مع بعض و عشان الطعم نضيف شوي بقدونس

و عقب نوزع الخلطة على الخبز اللبناني و نضيف عليها البطاطا المقلية

و تنلف بالورق و هذا هو الشكل النهائي:

و صحة و عافية ♥♥

♥♥ Cup Cake ♥♥

مرحباا ♥♥

اليوم سويت Cup Cake ,,, خخخ أدري بتقولون هذا شي عادي بس بالنسبة لي هذا انجاز لأني قمت أدخل المطبخ و أسوي أشياء جديده خخخ

المهم أنا ما سويت خلطة الكيك من عندي و لكني استخدمت الخلطة الجاهزة اللي نشتريها بالعادة من الجمعيات ♥♥

وهذي هييه:

ما بتفلسف في المقادير لأنها موجوده ورا الكيسة مالت الكيك خخخخ ♥♥

بس لازم تكون في الفرن على درجة حرارة 180 لمدة 15 دقيقة

و الشكل النهائي هو هذا:

♥♥ بسبــــوســــة ♥♥

مرحباا جميعاً ♥♥

من بعد التشجيع اللي حصلته من أهل البيت و صديقاتي ,, قررت أسوي كيكـة البسبوسة ♥♥

المقادير:

1 كوب سميد

2 كوب جوز الهند

1 كوب زيت نباتي
1 كوب سكر

3 بيضات

3 ملاعق بيكين باودر

1 قشطة

2 روب

2 ملعقة فانيليا

طريقة التحضير:

نخلط المقادير السابقة في خلاط كهربائي و نصب الخليط في صينية الكيك بس لازم تكون ممسوحة بزيت عشان ما تلتصق البسبوسة بعدين ♥♥

نخليها في الفرن على درجة حرارة 180 لمدة 40 دقيقة تقريبا و بعدها نتأكد إذا استوت ,, و بعدين نسكر الفرن من تحت و نشغله من فوق عشان تحمر الطبقة اللي فوق ♥♥

♥♥ و صحة و عافية ♥♥